Hoʻolako ʻŌlelo

He au hou kēia a he ao hou kēia.  Nui nā mea hou i wehewehe ʻole ʻia i ka wā kahiko.  Hilinaʻi nō naʻe wau, ua lawa ko kākou ‘ōlelo no ke kamaʻilio no kēia mau mea.  Koe wale aku ke kapa inoa ʻana i nā mea hou, i lako ko kākou “pahu lako ‘ōlelo,” ʻoia ka “lekikona.”

No laila, he mea nui ka haku huaʻōlelo hou.  No wai ke kuleana? No kākou!  ʻAʻole kākou e kali wale a ka wā e hāʻawi mai ai kahi Komike Huaʻōlelo Hou i kā lākou mea i haku ai, o hala aku ka Puʻulena. No laila, e haku kākou i nā hua ‘ōlelo i ka wā kūpono, ʻo ia ka wā e pono ai ka huaʻōlelo hou.

I ulu ka hoi i kou “māla ‘ōlelo” pono’ī, e waiho ʻia kekahi mau huaʻōlelo hou i lohe ʻia mai nā waha/peni/papa kikokiko mai o nā loea ʻōlelo Hawaiʻi.  I mea kēia e kōkua ai iā ʻoe i kāu haku huaʻōlelo hou ʻana.  I lako kākou!

māmala hoʻohiki hoʻolele kiʻi – dongle

-na Kumu Wini Terada, ma kekahi lekauila ma waena o nā kumu o Ānuenue, 30, Mei 2018

Papa Hoʻolako Wai – Board of Water Supply

-mai ko lākou mau hoʻolaha ma nā nūpepa Hawaiʻi, e laʻa me kēia.

ʻIoʻio – Twitter

-Ke Aolama, lā 30 o Mei 2018