Pani Hakahaka Kula Kaiapuni

“Ua ao Hawaiʻi ke ʻōlino nei mālamalama.”  He lāhui naʻauao kākou, ʻaʻole naʻe ua naʻauao nei he mea i loaʻa i ka noho wale.  Ua ao Hawaiʻi i ka hana nui a nā kumu ma kā lākou aʻo pono i nā keiki!  Mahalo hoʻi i ka hana nui o ko ke aukahi ʻōlelo Hawaiʻi, na kākou e kākoʻo i ka hoʻonaʻauao i nā keiki ma ka ʻōlelo mākuahine o kēia pae ʻāina nei ʻo Hawaiʻi ma loko o nā kula kaipuni ʻōlelo Hawaiʻi.

He mea maopopo i ka lehulehu, nele loa nā kula kaiapuni i nā hakahaka o nā kumu.  Minamina maoli kākou i ka hopena, aʻo kā! nā haumāna ma ka ʻōlelo haole.  Inā he ʻiʻini kou, e kuʻu mea heluhelu, e pani i kēia hakahaka, he kōkua nui ka hana ma ke ʻano he kumu pani hakahaka!

Penei ka hana e lilo ai he pani hakahaka no nā kula DOE:

  1. ʻImi i ka ʻāpono o kekahi kula aupuni.  E kāhea ʻoe i kekahi kula āu e hana ana paha ma ke ʻano he pani hakahaka, a noi iā lākou i ka Palapala ʻĀpono (approval notice) no kāu komo ʻana i ka papa hoʻomākaukau kumu pani hakahaka.
  2. Aia a loaʻa ka Palapala ʻĀpono, e kākau inoa a komo i kekahi papa hoʻomākaukau kumu pani hakahaka ma kekahi o nā Kula Kaiāulu no nā Mākua (Community Schools for Adults).  Aia nō ka papa helu o nā Kula Kaiāulu no nā Mākua ma lalo nei.  Eia aku a eia mai, mālama ke Kula Kaiaulu ʻo McKinley no nā Mākua i nā papa ma ka pūnaewele; e ʻimi paha i ka ʻike pili ma kā lākou paena pūnaewele a kāhea paha iā lākou.
    School Address Phone Fax
    McKinley Community School (MCSA) 634 Pensacola Street
    Honolulu, HI 96814
    808-594-0540 808-594-0544
    Waipahu Community School (WCSA) 94-1211 Farrington Highway
    Waipahu, HI 96797
    808-307-9677 808-675-0259
  3. Aia a pau ka papa hoʻomākaukau kumu pani hakahaka a loaʻa ka Palapala Kumu Pani Hakahaka (Substitute Teacher Course Completion Certificate), e noi i nā palapala noi kumu pani hakahaka ma kekahi kula (ma ke kula i ʻāpono iā ʻoe paha, a ma kekahi kula paha), a hoʻokō i nā kuleana a pau, ʻo nā palapala hoʻopihapiha ʻoe, ʻo nā hōʻoia likeʻole (background check, TB clearance, a pēlā aku).
  4. Aia a kō kēia mau kuleana a pau, e kono ʻia ʻoe e komo i ka ʻōnaehana TSEAS.  Maliʻa paha, e komo ʻoe ma ka papa inoa pani hakahaka ma kekahi kula a na nā kumu o ia kula e kāhea iā ʻoe.  A i ʻole ia, e kāhea nā kumu no nā kula likeʻole iā ʻoe.  Ke kāhea ʻia, e ō mai, a komo i nā kula kaiapuni!

Hiki nō ke loaʻa ka ʻike pili hou aku ma kēia lou: http://www.hawaiipublicschools.org/ConnectWithUs/Employment/JobOpportunities/Pages/Substitute-teachers.aspx